معهد فتيات السلام النموذجي

هذا الموقع تعليمي خاص بمعهد فتيات السلام النموذجي قام بإعداده الأستاذ: يسري عطية (مدرس اللغة الإنجليزية)


    ليك اعتراض على قضاء ربنا ؟؟

    شاطر
    avatar
    marym

    عدد المساهمات : 130
    نقاط : 194
    تاريخ التسجيل : 30/07/2009

    ليك اعتراض على قضاء ربنا ؟؟

    مُساهمة من طرف marym في الجمعة أغسطس 13, 2010 11:53 pm

    [center]ليك اعتراض على قضاء ربنا ؟؟

    أحياناً كتيرة بنشوف حاجات حولينا تخلي عقلنا يفكر كتير و يقول :

    ليه كده يا رب ؟؟

    ليه يارب طفل صغير ماعملش ذنب يمرض و يتعذب في المرض أو يموت كمان ؟؟

    ليه يارب واحد متدين و محترم و تلاقيه فقير و على قد حاله ؟؟

    ليه يارب إنسان متكبر و أخلاقه سيئة و تديله فلوس و نعم كثيرة ؟؟

    ليه يارب تعطي الكفار قوة و تخليهم يبهدلوا المسلمين و يذلوهم ؟؟

    ليه يارب تخلق ناس معوقين و انت قادر تخلقهم سلام ؟؟

    ليه و ليه و ليه ؟؟؟؟

    أسئلة كتيرة زي دي ساعات بنسألها لنفسنا ,
    أو بتدور في عقلنا و ما بنقدرش نصرح بيها ,

    مع إن الإجابة عليها سهلة جدا ,

    و ممكن نرد على الأسئلة دي من جانبين :

    جانب شرعي ... و جانب عقلي

    الجانب الشرعي :

    إن ربنا مثلا بيسلط المرض على الطفل علشان يبتلي أبوه و أمه ,
    أو يموت الطفل نفسه علشان يدخله الجنة و يعافيه من مشقة الدنيا ,

    مش بيعطي المتدين فلوس علشان يبتليه و يزود حسناته ,
    أو لعلم الله أنه لو اغتنى لَفَجَر !!

    يعطي الغني المتكبر علشان يبتليه أو يزود عذابه و يقيم عليه الحجه ,
    فإن الله لَيُمْلِي للظالم حتى إذا أخذه لم يُفلته .

    بيخلق المعاق علشان يبتليه و يدخله الجنة ,
    لأن أهل العافية يوم القيامة لما يشوفوا جزاء أهل الابتلاء ,
    يودوا لو أن جلودهم قد قرضت بالمقاريض في الدنيا

    و ....... حاجات كتيرة جدا
    - و هناك تفسيرات شرعية كثيرة لكن في موضوعنا هذا أحببت أن أركز على التفسير العقلي التالي أكثر - ,

    و لو كنت مش لاقي تفسير يشفي صدرك شرعياً ,
    فاتجه للجانب الآخر و هو :

    الجانب العقلي :

    لما عقلك يقول لك :
    كان أحسن إن ربنا يعطي المتدين , و يُفقر المتكبر , و لا يُمرض الصغير , و لا يخلق أحدا معاقاً و .....

    فاسأل نفسك : انت عرفت منين إنه كان أحسن إن ربنا يعطي المتدين , و يُفقر المتكبر و .... إلخ ؟؟

    - هتلاقي نفسيك بترد و تقول : فكرت و توصلت لكده !!

    - اسأل نفسك : إنتي فكرتي و وصلتي لكده بإيه ؟؟

    - هتقول لك : فكرت بعقلي و شفت إن الأحسن إن ربنا ما كانش يعمل كده ,
    و كان الأفضل إنه يعمل حاجة تانية ... العقل بيقول كده

    - اسأل نفسك : مين الي اعطاكِ العقل اللي توصلتي بيه لكده ؟؟

    - نفسك هتقول : الله طبعاً !!

    - قول لها بقى : يعني ربنا أعطاك عقل كامل يدرك الصواب ,
    و هو سبحانه لم يدرك هذا الصواب و لم يفعله ؟؟


    >> أفيَهَبُ لك العقل الكامل ,

    و يفوِّت هو الكمال ؟؟ <<

    فالحمدلله على كل شئ
    واتمنى ان ينال اعجابكم.......




    avatar
    ساجدة لربى

    عدد المساهمات : 1093
    نقاط : 1327
    تاريخ التسجيل : 07/08/2009
    العمر : 23

    رد: ليك اعتراض على قضاء ربنا ؟؟

    مُساهمة من طرف ساجدة لربى في السبت أغسطس 28, 2010 4:59 am

    موضوع اكثر من رائع

    روعة والله

    اللهم احفظنا يارب

    جعله ربى فى ميزان حسناتك
    avatar
    ASMAA KASEM

    عدد المساهمات : 1700
    نقاط : 1969
    تاريخ التسجيل : 31/07/2009
    العمر : 25
    الموقع : http://www.facebook.com/profile.php?id=100000036853379&ref=profile

    رد: ليك اعتراض على قضاء ربنا ؟؟

    مُساهمة من طرف ASMAA KASEM في السبت أغسطس 28, 2010 11:14 pm

    اللهم لا اعتراض
    مووضوع

    رائع

      الوقت/التاريخ الآن هو الأربعاء نوفمبر 22, 2017 10:32 pm