معهد فتيات السلام النموذجي

هذا الموقع تعليمي خاص بمعهد فتيات السلام النموذجي قام بإعداده الأستاذ: يسري عطية (مدرس اللغة الإنجليزية)


    اتكيت التناكه

    شاطر
    avatar
    yasmen

    عدد المساهمات : 85
    نقاط : 101
    تاريخ التسجيل : 31/08/2009
    العمر : 22
    الموقع : مصر

    اتكيت التناكه

    مُساهمة من طرف yasmen في الأحد أغسطس 14, 2011 1:17 pm

    [center]السلام عليكم يابنات
    ان شا الله تكونوا حلوين ومبسوطين
    ودايما كدة فرحانين

    طبعا الموضوع باين من عنوانه
    (اتكيت التناكة)
    تناكة ايه دى شكلها مهيسة ولا ايه

    لا انا مش مهيسة ولا حاجة
    فى بنات كتير اوى
    تلاقيها دايما متسرعة
    الدنيا عندها زى القطر
    صحيح السرعة لها فايدة ف حاجات بس بصراحة الضرر اكبر بكتييييييير

    مش فاهمين حاجة

    ركزوا معايا وكلوا يبص ع السبورة

    مثال 1

    واحدة حشرية بتسألك:انتوا طبختوا ايه النهاردة
    اخوكى جاب كام ف الثانوية
    مرتب باباكى كام

    طبعا كلها اسئلة رزلة وخاصة لو جت من واحدة علاقتك بيها ضعيفة

    بالتالى اى فتوكة متسرعة هترد عليها
    مع ان المفروض مردش
    طيب ايه الحل

    لازم امسك لسانى
    غمضى عنيكى معايا
    وطبقى ايدك الشمال جامد
    وتخيلى انك ماسكة لسانك ومش عارفة تتكلمى بسبب انك ماسكاه
    لمده 10 ثوانى
    اعملى الحركة دى كل يوم لمدة اسبوع

    اه دى رجعت للتهييس تانى

    بصوا ده فعل شرطى
    الحركة اللى انا قلتها فوق دى بتخلى المخ يربط مابين انك تمسكى لسانك معنويا
    وانتى مطبقة ايدك
    بمعنى

    لو حصل واحدة سالتك سؤال رخم وانتى طبعا متسرعة وهتجرى تحكيلها قصة حياتك
    لا امال اعمل ايه

    طبقى ايدك تانى
    هيقوم دة يبعت اشارة للمخ:امسك لسانك
    لسانك حصانك

    اتأنى واستنى واهدى واوعاك يا طربش تطلع

    فهمتوا ولا لسة

    مثال 2

    فى بنات ماماتهم من كتر ما كانت بتضربهم وهم صغيرين عشان يقولوا حاضر نعم بدلا من الكلمة الشهيرة(ايييييييييه)
    البنات دول اتربوا وكبروا على حاضر نعم لان الام علمتها غلط
    المهم
    تلاقى البنت بتقولى ايه
    انا اي حد بيطلب منى طلب مبقولش غير حاضر نعم حتى لو كان حد معرفوش واروح جرى انفذ الطلب من غير ما احس وبعد ما اكون نفذت الطلب افوق واقول ايه اللى انا بهببه ده

    هنا يتلحلح دور التناكة

    مش اى حد ينادى عليكى تردى من اول مرة
    سيبيه ينده مرة واتنين وفى التالتة ابقى ردى

    مثال 3

    فى بنات كتير اول ما يقف قدامها حاجة مش عارفة تعملها تروح جرى تطلب من اى حد يعملها لها
    مع انها لو جربت ممكن تعرف تعملها لوحدها
    بالمنظر الزبالة ده
    كرامتك هتروح
    لان سيادتك شغالة طلبات حتى لو كان طلب معنوى
    متطلبيش من حد حاجة
    حاولى الاول
    لو مقدرتيش
    اطلبى بس بتناكة
    ومن مين
    من حد ثقة
    حد تكون متاكدة 99% انه هيساعدك

    فاهمين
    طبعا فاهمين
    بكلم نفسى انا ولا ايه

    مثال 4

    المشى

    بنات تقولك ايه
    انا خطوتى سريعة والله غصب عنى
    كلما احاول امشى بالراحة ببقا عاملة زى البطة ام رجل مكسورة

    ايه الحل يعنى

    بصوا
    طبعا كلنا عارفين وبلا استثناء
    ان انوثة المراة بتبان من مشيتها
    يعنى اللى بتمشى بسرعة دى بيتاخد عنها فكرة كالتالى:
    دى مسترجلة
    دى متسرعة
    دى عملية مش رومنسية

    تخيلوا انا سمعت واحد بيقول ايه لما شاف بنت بتمشى بسرعة
    قال :
    انتى عارفة عمر ماحد هيقولك (تتجوزينى؟)

    وذلك للاسباب التلاته اللى فوق
    اما اعمل ايه

    خير الامور الوسط
    ماهى بردو اللى بتمشى بالراحة اوى دى
    بيتاخد عنها فكرة انها عايزة تعرض نفسها
    وبيبان اوى انها متكلفة

    يلا امسحوا السبورة
    مروااااااااااااح هيه
    avatar
    دمعة فرح

    عدد المساهمات : 320
    نقاط : 589
    تاريخ التسجيل : 09/12/2009
    العمر : 22
    الموقع : اعيش فى سلام

    رد: اتكيت التناكه

    مُساهمة من طرف دمعة فرح في الخميس سبتمبر 08, 2011 2:38 am


    حصة غير معتادة المهم أنك تقمصتى الدور كويس أوى



    تقبلى مرورى وشكرا عالحصه المجانية

    Shocked Shocked Shocked Shocked




    Like a Star @ heaven I love you I love you Like a Star @ heaven

    [/center]
    avatar
    yasmen

    عدد المساهمات : 85
    نقاط : 101
    تاريخ التسجيل : 31/08/2009
    العمر : 22
    الموقع : مصر

    رد: اتكيت التناكه

    مُساهمة من طرف yasmen في الجمعة سبتمبر 09, 2011 5:06 am

    العفو شكرا لمرورك علي موضوعي نورتى
    avatar
    دمعة فرح

    عدد المساهمات : 320
    نقاط : 589
    تاريخ التسجيل : 09/12/2009
    العمر : 22
    الموقع : اعيش فى سلام

    رد: اتكيت التناكه

    مُساهمة من طرف دمعة فرح في الجمعة سبتمبر 09, 2011 5:32 am

    ألتحقى بالدردشة وحشتينى
    cheers
    avatar
    soso.sara

    عدد المساهمات : 15
    نقاط : 22
    تاريخ التسجيل : 09/07/2010
    العمر : 22

    رد: اتكيت التناكه

    مُساهمة من طرف soso.sara في الثلاثاء مايو 29, 2012 2:24 am

    جااااااامد الموضوع يا ميس ممكن موضوع تاني ولا عندك مانع بس يكون جاامد زي ده اوكي يا ميس ياسو
    avatar
    yasmen

    عدد المساهمات : 85
    نقاط : 101
    تاريخ التسجيل : 31/08/2009
    العمر : 22
    الموقع : مصر

    رد: اتكيت التناكه

    مُساهمة من طرف yasmen في الإثنين أغسطس 06, 2012 11:18 am

    soso.sara كتب:جااااااامد الموضوع يا ميس ممكن موضوع تاني ولا عندك مانع بس يكون جاامد زي ده اوكي يا ميس ياسو


    حااااضر Smile Smile Smile

      الوقت/التاريخ الآن هو الأربعاء ديسمبر 19, 2018 12:13 am