معهد فتيات السلام النموذجي

هذا الموقع تعليمي خاص بمعهد فتيات السلام النموذجي قام بإعداده الأستاذ: يسري عطية (مدرس اللغة الإنجليزية)


    نفسى حد يجاوبنى على هذة الاسئلة

    شاطر

    kkkkkkkk
    زائر

    نفسى حد يجاوبنى على هذة الاسئلة

    مُساهمة من طرف kkkkkkkk في الخميس سبتمبر 03, 2009 1:18 am

    بسم الله الرحمن الرحيم اولا احب اقولكم ان فى اسئلة كتييييييييييييييير سئلت نفسى ومالقيتش ليها اجابة ثانيا احب اقولكم ان ده مش احباط ولا تشاؤم ولا حزن بس بجد نفسى اعرف الاجابة على فكرة هى كلها بتبدا بليه 1/ليه الناس بتظلم بعض 2/ ليه الناس بتجرح بعض 3/ليه الناس ما بتخفش على شعور بعض 4/ليه الناس بتكره الخير لبعض 5/ليه الناس بتضر بعض 6/ليه الناس بتغدر ببعض 7/ليه الناس بتضحك على بعض 8/ليه الناس بتغش بعض واسئلة كتييييييييييييير تانية بس احب اقولكم حاجة ليه الواحد لما بيحب حد وياتمنه على سر او يقوله حاجة ويقول ان هو مش هيروح يقول لحد تلقيه راح قاله للناس وليه الواحد بيفهم اللى قدامه انو بيحبه اوى والحكاية كلها انو عايز منه حاجة ولما ياخدها يبعد عنه واهم حاجتين ليه الواحد بيجرح اللى قدامه وهو عارف ان ده هيزعل وينجرح ويفضل الجرح متاثر بيه طول العمر وليه الناس مش بتخاف على شعور بعضهم ويخافوا على زعلهم ليييييييييييييييييييييييييييييييييييييييييييييييييييه وليه الناس بتتظاهر بالحب من قدامك ومن وراك حاجة تانية ليه الناس قاسية على بعض وليه الناس مش بتحس ببعض وليه بتضايق بعض وليه بيحكموا على الانسان من الظاهروحاجات كتير تانية معلش انا اسفة طولت عليكم بس معرفتش الاجاة لوحدى قولت يمكن انتو تعرفوها انا عارفة ان فى ناس كويسة وطيبة بس بقوا عاملين زى العملة النادرة شكرا Question Twisted Evil No
    avatar
    kira light

    عدد المساهمات : 293
    نقاط : 356
    تاريخ التسجيل : 12/07/2009
    العمر : 25

    رد: نفسى حد يجاوبنى على هذة الاسئلة

    مُساهمة من طرف kira light في الخميس سبتمبر 03, 2009 2:28 am

    السلام عليكم ورحمه الله وبركاته شكرا جدا على اسئلتك يا (kkkkkkkk)
    أولا ..أحب أعلق على حاجه ..إن الواحد بيكون فيه عيوب كتير بس هو مش عارف يكتشفها فبيحس أنه مظلوم وأن الناس باقت وحشه وقاسيه بالرغم انه هو بيحس إنه إنسان جميل ولطيف بس مايعرفشى ان مممكن حد غيره معترض عليه وعلى شخصيته فبتالى ممكن يقول عليه كلام وحش وده وارد جدا ...وده طبعا لاسباب لانسان مختلف الطباع ..انتى نفسك ممكن تتغيرى من يوم لى يوم.. مثلا .. انتى لو شفتى نفسك السنه اللى فاتت هتلاقى شخصيتك متغيره عن السنه دى وده طبيعى جدا لانك بتكتسبى خبرات .
    ده طبعا مش تبريرللناس اللى بتحقد واللى بتخون .
    حاجه تانيه ... أنتى لو بصيتى للناس بنظره كره وانكو اتغيرتو وبقيتواوحشين هتلاقى المعامله دى بالظبط
    واذا كان الايمان اللى هو الايمان بيزيد وينقص فمابال الشخصيه اكيد ممكن تتغير للاحسن وللاوحش بس ده اكيد ممكن يتغير بس اللى عايز .. ليه انا بقول كده علشان 90% من الشخصيه بتتكون داخل البيت من الام والاب فمدام هى صفات مكتسبه يبقى اكيد ممكن تتغير
    بس على فكره مش اى حد عايز يتغير فى ناس كتير شايفه نفسها انها خلاص انسانه كويسه وراضيه عن نفسها وشايفه انها ميه ميه مش عايزه اى حاجه ده طبعا طبعا عمره ماهتغير فياريت ياجماعه متنسوش انكو عندكو عيوب كتير انتو مش عارفنها.. فلا ترموا
    اللوم كله على الاخرين صلحو من نفسكم وان شاء الله هتلاقى الناس الكويسه (والطيور على اشكاها تقع )
    والسلام عليكم ورحمه الله وبركاته

    kkkkkkkk
    زائر

    رد: نفسى حد يجاوبنى على هذة الاسئلة

    مُساهمة من طرف kkkkkkkk في الخميس سبتمبر 03, 2009 3:20 am

    اولا شكرا على اهتمامك ثانيا احب اقولك ان انا عندى شوية ملحوظات على ردك \ انتى بتقولى ان الواحد بيبقى فيه عيوب كتير وهو مش عارفها وبيحس انو انسان جميل ولطيف احب اقولك ان ممكن يكون الواحد عارف عيوبه كويس بس المشكلة ان هو بيعامل اللى قدامه بحب واحترام وكل حاجة حلوة ويلاقى ان اللى قدامه بيقابله بشكل مش كويس او فى الاول بس وبعد كدة بتكون الحكاية كلها انو انسان بتاع مصلحة وانتى بتساعديه وبتقدميله كل اللى يحتاجه وفى الاخر يطلع انسان كان بيتظاهر بحبه معاكى عشان عاوز حاجات وفى الاخر لما بنساعده بيبعد وتلاقيه اتحول مية وتمانين درجة الحكاية مش حكاية عيوب الحكاية ازاى الناس بقت بتاعت مصالح وصدقينى ده عن تجربة شخصية وبعدين انتى بتقولى متنسوش انكوا عندكوا عيوب احنا مش نسيين ولكن واحنا عارفنها تقدرى تقولى ده علاقته ايه بانك تقولى لحد حاجات ويروح يقولها للناس وحد تانى غدر بيكى وسابك فى اشد وقت انتى محتاجة له فيه مع انو وعدك بغير كدة وكمان انك تعرفى حد ويتظاهر انو بيحبك ولكن فى الاخر طلع شخص بتاع مصالح انتى بتكلمى فى حاجة تانية الحاية مش عيوب واحنا مش عارفنها الحكاية ان فى ناس انانية ةغشاشة وانا عارفة ان فية عيوب بس انا بعامل الناس بكل حب وشفافية وللاسف بلاقى غير كدة اتمنى انك تكونى فهمتى الموضوع صح لالن انا جايبة لالسئلة دى من جوايا من اللى شفتوا من الناس واخيرا عندى اعتراض على جملة الطيور على اشكالها تقع ده خطا وهاقولك ليه يعنى انتى لو قابلتى حد وطلع بيكذب عليكى وبيغشك معنى ذلك ان انتى زيه ما ياما ناس بنخدع فى ناس معنى كدة انهم وحشين لا طبعا مينفعش على كدة بقى كانت الحلوة كلها عرفت بعض والوحشة عرفت بعض ماهى الطيور على اشكالها تقع ومابقاش حاجة اسمها كدب يا ريت الواحد بيلاقى معاملة زى اللى بيعاملها للناس واخيرا احب اعرف اسمك واسفة جدا للاطالة وشكرا
    avatar
    kira light

    عدد المساهمات : 293
    نقاط : 356
    تاريخ التسجيل : 12/07/2009
    العمر : 25

    رد: نفسى حد يجاوبنى على هذة الاسئلة

    مُساهمة من طرف kira light في الخميس سبتمبر 03, 2009 5:14 am

    أولا .. اشكرك جدا على ردك ..
    ثانيا .. انا حبيت ابدأ بقولى (الطيور على أشكالها تقع ) لانكى لم تفهمى مغزى كلامى بعد .. أنا اقصد منها أنكى اذا رايتى الشخصيه الغير المناسبه لكى من الطبيعى هاتبعدى عنها لانها غير ملائمه لكى أما اذا استرحتى لها هذا معناها انكم متقاربين فى الفكر وفى اشياء اخرى ...
    أما من ناحيه أنكى مرت عليكى الكثير من مواقف الغدر والخيانه وعدم صدق الحب هذا لانكى لم تحسنى لاختيار للصحوبيه , ولان هذا أمر طبيعى لان الجميع يمر عليه هذه المواقف فى بادئ الامر ولكن الذى غير طبيعى أنكى لم تتعلمى من أخطائك وهذا حدث معى بالفعل انى تعاملت مع شخصيات كثيره فيها اخلاق والله والله تستغربى كيف هم يطيقون انفسهم وهم على هذه الاخلاق (ربنا يعافينا)..
    شئ اخر .. ايه لفائده أنكى تعلمى اخطائك ولم تغيرها اعتقد أن لايوجد فائده لانكى اذا علمتى اخطائك اعتقد يعنى من رأيي المتواضع أنكى تحاولى تغيريها لان لا أحد يحب نفسه وهو فيه عيوب ..
    أحب أضيف شئ اخر (اسفه على الاطاله ) .. انا حاليا الذى لا افسره هى صفه اكرها جدا جدا وهى الحقد والحسد ولا أجد له تفسيرا ومن رايي لايوجد لها اصلا تفسير غير هم حب النفس ولانانيه .. وشكرا ..

    kkkkkkkk
    زائر

    رد: نفسى حد يجاوبنى على هذة الاسئلة

    مُساهمة من طرف kkkkkkkk في الخميس سبتمبر 03, 2009 5:43 am

    بسم الله الرحمن الرحيم احب اشكرك على التواصل معى ثانيا احب اقولك بمناسبة الطيور على اشكالها تقع فعلا يجب ان احسن اختيارى ولكن احيانا يظهر الناس بصورة مزيفة يعنى انتى بتحسيبهم كويسين ممكن يكونوا بيمثلوا عليكى لغرض معين وانتى اكيد مش هتعرفى يعنى انهم بيضحكوا عليكى الا لما يبانوا على حقيقاتهم وساعتها بس بتعرفى انهم كدابين وعمرك ما هتقابلى كل الناس الكويسين لازم تقابلى كل انواع الناس عشان تتعلمى وتفهمى الحياة يعنى اسالى كدة معظم الناس عمر ما حد هيقولك ان كل اللى قابله كانوا كلهم كويسين وبعدين انتى بتقولى انا الغلطانة عشان مبتعلمش من اخطاءى يعنى انا مثلا قابلت الشخصى ده وكان وحش لما اجى اقابل حد تانى هقعد اقول ياترى ده كداب ولا بيضحك عليا انا كدة مش هبقى عندى ثقة فى الناس وبعدين احسن اختيارى بالظاهر يعنى لو لقيت الصديقة دى وحشة مش هصاحبها وهصاحب الكويسة ده اسمه حسن الاختيار ولكن انا بقابل الناس وبلاقيهم بيتعاملوا كويس فتعامل معه وبعد كدة بعرف انو بقى وحش او بتاع مصلحة مش ذنبى شكرا
    avatar
    kira light

    عدد المساهمات : 293
    نقاط : 356
    تاريخ التسجيل : 12/07/2009
    العمر : 25

    رد: نفسى حد يجاوبنى على هذة الاسئلة

    مُساهمة من طرف kira light في الخميس سبتمبر 03, 2009 6:09 am

    لالا ليس المقصود بالخطأ انكى تفكرى وتقولى ياترى ده كداب ولا بيضحك عليا .. ولكن .. انك لازم لا تعطى الثقه التامه لى احد إلا اذا تبين معاكى فى وقت الشدائد وهم طبعا مش هايبانو على الحقيقه إلا فى الشدائد ..
    avatar
    ساجدة لربى

    عدد المساهمات : 1093
    نقاط : 1327
    تاريخ التسجيل : 07/08/2009
    العمر : 23

    رد: نفسى حد يجاوبنى على هذة الاسئلة

    مُساهمة من طرف ساجدة لربى في الخميس سبتمبر 03, 2009 6:23 am

    شكرا ليكى على اسالتك

    بس فى حاجة انا شايفة ان كايرا معاها حق فيها مش مجرد ان شخص عاملك كويس تفتحيله قلبك

    لا عامليه كويس واحسن من اللى بيعاملك بيه لحد ما تحسى ان هى دى شخصيته فعلا

    ساعتها ابداى احكيله

    لازم تدرسى طباعه الاول دى مش اسمها عدم ثقة فى اللى قدامك ولو سميتيها كدا

    اعتقد انها احسن بكتير من انك تثقى فى حد ويجرحك

    لان الاحساس بيبقى صعب اوووى كانك خدتى قلم

    ياريت اكون قدرت اوصلك رايى

    avatar
    kira light

    عدد المساهمات : 293
    نقاط : 356
    تاريخ التسجيل : 12/07/2009
    العمر : 25

    رد: نفسى حد يجاوبنى على هذة الاسئلة

    مُساهمة من طرف kira light في الخميس سبتمبر 03, 2009 6:30 am

    اشكرك جدا يا (ساجده لربى ) على التعليق ...
    وياريت الاخت (kkkkkkkk) تكون فهمت المقصود من كلامى.
    لاسم ( كيرا ) وليست (كايرا ) بس مو مشكل اللى يعجبك اكتبيه نتقبل منك كل شئ ...

    kkkkkkkk
    زائر

    رد: نفسى حد يجاوبنى على هذة الاسئلة

    مُساهمة من طرف kkkkkkkk في الخميس سبتمبر 03, 2009 8:18 am

    شكرا يا ساجدة شكرا يا كيرا انا بشكروا بس المشكلة انى بحب كل الناس ومبعرفش اعامل حد وحش وبثق فى الناس بسرعة وبحبهم وبعتبرهم اهلى ياريت نبقى صحاب وعايزة اعرف اسمكوا
    I love you
    avatar
    ساجدة لربى

    عدد المساهمات : 1093
    نقاط : 1327
    تاريخ التسجيل : 07/08/2009
    العمر : 23

    رد: نفسى حد يجاوبنى على هذة الاسئلة

    مُساهمة من طرف ساجدة لربى في الخميس سبتمبر 03, 2009 8:53 am

    بصى انا كنت زيك بالظبط بس اتعلمت

    وعلى فكرة لسة فى اواخر الدراسة صاحبت واحدة واكتشفتها حاجة تانية

    واتصدمت بس بعدت على طول

    بس الفرق انى مدخلتهاش حياتى زى بقيت اصحابى اللى اعرفهم من سنين

    وياريت نبقى صحاب طبعا دى حاجة تشرفنى

    وياستى اسمى نورهان

    بس قوليلى نورا


    kkkkkkkk
    زائر

    رد: نفسى حد يجاوبنى على هذة الاسئلة

    مُساهمة من طرف kkkkkkkk في الخميس سبتمبر 03, 2009 9:04 am

    ماشى يا نورا ممكن اعرف انتى فى سنة كام وفى اى مدرسة I love you
    avatar
    ساجدة لربى

    عدد المساهمات : 1093
    نقاط : 1327
    تاريخ التسجيل : 07/08/2009
    العمر : 23

    رد: نفسى حد يجاوبنى على هذة الاسئلة

    مُساهمة من طرف ساجدة لربى في الخميس سبتمبر 03, 2009 9:26 am

    رايحة اولى ثانوى وفى المدرسة دى

    مدرسة فتيات السلام النموذجى

    avatar
    kira light

    عدد المساهمات : 293
    نقاط : 356
    تاريخ التسجيل : 12/07/2009
    العمر : 25

    رد: نفسى حد يجاوبنى على هذة الاسئلة

    مُساهمة من طرف kira light في الخميس سبتمبر 03, 2009 4:42 pm

    kkkkkkkk كتب:شكرا يا ساجدة شكرا يا كيرا انا بشكروا بس المشكلة انى بحب كل الناس ومبعرفش اعامل حد وحش وبثق فى الناس بسرعة وبحبهم وبعتبرهم اهلى
    I love you
    أولا شكرا ليكى ...وعلى صراحتك الجميله .
    ثانيا .. شئ جميل إنك تحبى كل الناس ولكن الاجمل أنهم يشعروا بحبك وده غير متواجد دائما لانهم لو شعروا بحبك ليهم تلقائى منهم هتلاقى المعامله الطيبه
    لا تنسى ... إنك حاليا فى عالم بيسعى وراء مصلحته.. فيإما.. تجدى الذى يسعى لنفسه لا ينسى حقوق الناس عليه, ويإما.. تجدى الذى يسعى يتجاهل حقوق الناس عليه .
    فأنتى عندما تبحثى عن صديفه لازم ولابد تري إذا كانت من اى نوع من الاشخاص ..
    وافكرك بشئ... أن (المؤمن لا يلدغ من جحره مرتين ..) فمابالك كم مره إتلدغتى من جحرك ....

    kkkkkkkk
    زائر

    رد: نفسى حد يجاوبنى على هذة الاسئلة

    مُساهمة من طرف kkkkkkkk في الخميس سبتمبر 03, 2009 8:52 pm

    ممكن اعرف يا كيرا انتى فى سنة كام واى مدرسة
    avatar
    kira light

    عدد المساهمات : 293
    نقاط : 356
    تاريخ التسجيل : 12/07/2009
    العمر : 25

    رد: نفسى حد يجاوبنى على هذة الاسئلة

    مُساهمة من طرف kira light في السبت سبتمبر 05, 2009 6:08 am

    انا إن شاء الله فى ثالثه ثانوى على خير ان شاء الله ......
    وأنا فى (معهد السلام النموذجى )
    إدعيلى مادام سئلتى وانتى فى رمضان ......

      الوقت/التاريخ الآن هو الإثنين فبراير 26, 2018 1:24 am